Sansar News
२६ भाद्र, काठमाडौँ । जिल्ला अदालत सिराहाका हलुका सवारी चालक (करार¬) बृज मोहन यादव घुस सहित पक्राउ परेका छन् ।
जिल्ला अदालत सिराहाका हलुका सवारी चालक यादवले अदालतमा विचाराधिन लागुऔषध सम्बन्धी मुद्दा मिलाईदिन्छु भनि सेवाग्राहीसँग घुस माग गरिरहेको भन्ने सूचना एवं उजुरीको आधारमा अख्तियार दुरूपयोग अनुसन्धान आयोगको टोलीले सेवाग्राहीसँग रु. १ लाख १० हजार लिइसकेको अवस्थामा रङ्गेहात पक्राउ गरेको थियो ।
पक्राउ परेका निज यादव माथि थप अनुसन्धान भइरहेको अख्तियारले जनाएको छ ।
वि.सं.२०७६ भदौ २६ बिहीवार १६:४३ मा प्रकाशित
