हामी सबैकाे संसारन्यूज

२७ भदौ, काठमाण्डौं । चिनियाँ र नेपालीबीच हुने अन्तरदेशीय अवैध विवाहका बुँदासमेत समेटेर चीनले आफना पर्यटन लक्षित १२ बुँदे ट्राभल एडभाइजरी जारी गरेको छ । विगतमा सडक यातायात तथा अन्य सुरक्षामा सचेत गराउँदै आएको चीनले यसपटक नेपाल लक्षित एडभाइजरीमार्फत विवाहबारे सचेत गराएको हो । पछिल्लो समय विवाहका नाममा चीनतर्फ युवती तस्करी भएका समाचार सार्वजनिक भएका छन् ।
काठमाण्डौं स्थित नेपाली दुतावासले सामाजिक सञ्जालमा ‘वी–च्याट’ मार्फत नेपाल घुम्न चाहाने आफना नागरिकका लागि चिनियाँ लिपिमा बुधबार यस्तो सुचना जारी गरेको बेइजिङस्थित चिनियाँ सञ्चार माध्यमले उल्लेख गरेका छन् । चिनियाँहरुले अरुको माध्यस्थता अर्थात ‘ब्लाइन्ड डेट’ का आधारमा बिदाको समय नेपालमा गएर विवाह गर्नुअघि नेपालको विवाह दर्ता प्रणालीबारे पुर्वजानकारी राख्न, रोकथामका उपाय अपनाउन र नेपालमा पुगेर हुने विवाहबारे सावधानी अपनाउन एडभाइजरीमा सचेत गराइएको छ । शुत्रबारको कान्तिपुर दैनिकबाट ।