back

आठ स्थानीय तहमा कृत्रिम गर्भाधान केन्द्र सञ्चालन

वि.सं.२०७६ भदौ २७ शुक्रवार

186 

shares
RBB AD
NTC AD

२६ भदौ, तनहुँ । भेटेरिनरी अस्पताल तथा पशुसेवा विज्ञ केन्द्र तनहुँले नश्ल सुधार कार्यक्रमअन्तर्गत जिल्लाको १० स्थानीय तहमध्ये आठ स्थानीय तहमा कृत्रिम गर्भाधान केन्द्र सञ्चालनमा ल्याएको छ ।

चार नगरपालिका र छ गाउँपालिका रहेको यस जिल्लामा ऋषिङ र घिरिङ गाउँपालिकाबाहेक अन्य स्थानीय तहमा कृत्रिम गर्भाधान केन्द्र सञ्चालनमा ल्याइएको हो । उन्नत जातको चौपायले दूध धेरै दिने, चाँडै बढ्ने र बढी आम्दानी पनि दिने भएकाले कृषक यसतर्फ आकर्षित बन्दै गएको केन्द्रका वरिष्ठ पशु विकास अधिकृत डा बालकुमार श्रेष्ठले बताए ।

उक्त केन्द्रले उन्नत जातको भैँसी, गाई तथा बाख्रा पाल्नका लागि कृषकलाई प्रोत्साहन गर्दै आएको छ । कृषकले उन्नत जातका पशुपालनबाट बढी आम्दानी लिनसक्ने हुँदा प्रोत्साहन गरिएको जानकारी दिँदै उनले भने, “उन्नत पशु पालनका लागि नश्ल सुधार गर्नुपर्ने भएकाले उन्नत पशुचौपाय खरीदमा कृषकलाई अनुदानको व्यवस्था गरिएको छ ।”

नश्ल सुधार गरी दूध तथा दूधजन्य पदार्थ र मासुको उत्पादन र उपादकत्वमा वृद्धि गर्न अनुदानको व्यवस्था गरिएको छ । कार्यालयले उन्नत जातको आठ वटा राँगो खरीद गर्न जनही रु ६० हजार अनुदान दिने भएको छ । पशु प्रजननका लागि व्यावसायिकरुपमा उन्नत जातका पशु पाल्दै आएको कृषक, कृषक समूह वा समितिले स्थानीय तहको सिफारिसमा १० बोका खरीदका लागि रु ३० हजारका दरले अनुदान व्यवस्था गरिएको सो कार्यालयले जनाएको छ ।

उन्नतमा भैँसीमा मुर्रा र बाख्रामा बोयर जातबाट बढी फाइदा लिन सकिने हुँदा पछिल्लो समय कृषक यसतर्फ नै आकर्षित भएका छन् । गाईपालक कृषक प्रायजसो कृत्रिम गर्भाधानबाट प्रजनन गर्न आकर्षित हुँदै गएकाले गोरु खरीदका लागि खासै अनुदान लिन कृषक आउने गरेका छैनन् ।

नश्ल सुधारमार्फत उन्नत जात पशु उत्पादन गरीे आपूर्ति बढाउने उद्देश्यले कार्यालयले अनुदानको व्यवस्था गरेको छ । स्थानीय जातका सुङ्गुर र कुखुरा संरक्षणका लागि पनि रु तीन लाख ५० हजार अुनदानको व्यवस्था गरिएको छ । व्यावसायिक कृषकलाई औषधि उपचार तथा खोर निमार्णका लागिसमेत अनुदानको व्यवस्था रहेको कार्यालयका प्रमुख डा श्रेष्ठले बताए । (रासस)

वि.सं.२०७६ भदौ २७ शुक्रवार ०९:४१ मा प्रकाशित

NLIC AD
NABIL bank AD
आयआर्जनको माध्यम बनेपछि महाभारतको किसानलाई कफीको बिरुवा वितरण

आयआर्जनको माध्यम बनेपछि महाभारतको किसानलाई कफीको बिरुवा वितरण

धुलिखेल । पछिल्लो समयमा किसानको आयआर्जनको माध्यम कफीखेती बन्न थालेपछि...

असारको पहिलो साता  नै धान रोप्ने चटारो पर्यो भक्तपुरका किसानलाई

असारको पहिलो साता नै धान रोप्ने चटारो पर्यो भक्तपुरका किसानलाई

भक्तपुर । यसवर्ष मनसुन चाँडै सुरु भएपछि भक्तपुरका किसानलाई धान...

कावासोतीमा जुगेडी किसान सङ्घर्ष दिवस मनाइयो

कावासोतीमा जुगेडी किसान सङ्घर्ष दिवस मनाइयो

नवलपुर । नवलपुर जिल्लाको कावासोती नगरपालिका-१५ सेरगन्ज मुसहर बस्तीमा ४७...

दुबईमा बीस वर्ष बसेर फर्किएका वलीले भैँसी पालनबाट मासिक तीन लाख भन्दा बढी आम्दानी गर्छन्

दुबईमा बीस वर्ष बसेर फर्किएका वलीले भैँसी पालनबाट मासिक तीन लाख भन्दा बढी आम्दानी गर्छन्

देउखुरी (दाङ) । घोराही उपमहानगरपालिका –६ बचाहामा बाबुराम वलीले विगत तीन...

अहिलेसम्म धान र कोदो रोप्न पाएनन जुम्ली किसानले

अहिलेसम्म धान र कोदो रोप्न पाएनन जुम्ली किसानले

जुम्ला । वर्षा नहुँदा यहाँका किसानलाई सास्ती भएको छ ।...

अविलम्ब दुध किसानहरूको भुक्तानीका लागि सरकारको ध्यानाकर्षण

अविलम्ब दुध किसानहरूको भुक्तानीका लागि सरकारको ध्यानाकर्षण

काठमाडौं । संसदमा अविलम्ब दुध किसानहरूको भुक्तानीका लागि सरकारको ध्यानाकर्षण...