हामी सबैकाे संसारन्यूज

३ असोज, युएई । संसारकै अग्लो भवन युएईको वुर्ज खलिफामा नेपाली झण्डा फहराउने भएको छ ।

नेपालको पाँचौ संविधान दिवसको अवसरमा संसारकै अग्लो टावर युएईको बुर्ज खलिफामा नेपालको झण्डा फहराइने नेपाली राजदूतावास युएईले जनाएको छ ।

संविधान दिवस तथा राष्ट्रिय दिवस २०७६ को सुखद अवसरमा स्थानीय समय अनुसार आज साँझ ९ :१० बजे नेपालको राष्ट्रिय झण्डा संयुक्त अरब इमिरेट्सको दुबईस्थित संसारकै अग्लो भवन Burj Khalifa   मा पहिलोपटक झलमलाउँदै Light Up   गरिदैं ।’ नेपाली दूतावास युएईले आफ्नो सामाजिक संजाल फेसबुकमार्फत जानकारी दिएको छ ।

लामो समयको प्रयास र मेहनतले युएई सरकारले ब्रुज खलिफामा १ मिनेटका लागि झण्डा पहराउन लागेको हो,’ नेपाली राजदूत कृष्ण प्रसाद ढकालले जानकारी दिएका छन् ।

नेपाली झण्डा फहराइने खबर आजै मात्र थाहा पाएका धेरै नेपालीहरु झण्डा फहराइने समय बुर्ज खालिफामा पुगेर खुशी मनाउने तयारी गरेका छन् । आज शुक्रबार स्थानीय सार्वजनिक बिदा भएकोले पनि धेरै नेपाली त्यहाँ पुग्ने अनुमान गरिएको छ ।