back

‘भाग्यरेखा कोरिएको दिन’ संविधान दिवस – मुख्यमन्त्री शाही

वि.सं.२०७६ असोज ३ शुक्रवार

234 

shares
RBB AD
NTC AD

कर्णाली प्रदेशका मुख्यमन्त्री महेन्द्रबहादुर शाहीले संविधान दिवस ‘जनताको भाग्यरेखा कोरिएको दिन’ भएको बताएका छन् ।

कर्णाली प्रदेशको राजधानी वीरेन्द्रनगर सुर्खेतमा आज आयोजित चौथो संविधान संविधान दिवस समारोहमा मुख्यमन्त्री शाहीले नेपाली जनताको बलिदान र त्यागले प्राप्त भएको संविधानको कार्यान्वयनबाट मात्र जनताको कोरिएको भाग्यरेखा सुनिश्चित हुने बताए । यस प्रदेशमा जनचाहना अनुरूपको समृद्धि र विकास गर्न प्रदेश सरकार कटिबद्ध भएर लागेको उनले बताए ।

“संविधानप्रदत्त अधिकारबमोजिम समृद्ध कर्णाली निर्माणको अभियानमा प्रदेश सरकार दृढताका साथ लागि परेको छ”, मुख्यमन्त्री शाहीले भने, “सरकार बनेको डेढ वर्षको अवधिमा अत्यावश्यक कानून तर्जुमा, प्रदेश सरकारको सङ्गठन संरचना तर्जुमा एवं आवश्यक कार्यालयहरुको स्थापना, योजना आयोगको गठन गरेका छौँ ।” आपतकालीन उद्धार तथा राहत वितरण, सबै नागरिकको विपद् दुर्घटना बीमालगायतका कामहरुमा सरकार अघि बढेको उनको भनाइ थियो ।

प्रशासनिक संरचना, कानून, जनशक्तिको अभाव तथा अनुभवजन्य कमजोरीका बाबजुद पनि छोटो अवधिमै कर्णाली प्रदेश सरकार विकास र समृद्धिको जग निर्माण गर्न सफल भएको मुख्यमन्त्री शाहीले उल्लेख गरे । सङ्घीय शासन प्रणालीलाई संस्थागत गर्दै संविधानले सुनिश्चित गरेका मौलिक हकको कार्यान्वयनको दिशामा अघि बढ्नुमा नै संविधान दिवस मनाउनुको सार्थकता रहेको उनको जिकिर थियो ।

संविधान कार्यान्वयन प्रक्रियालाई केही प्रतिगामी शक्तिहरुले अवरोध गर्न खोजेको आरोप लगाउँदै मुख्यमन्त्री शाहीले परिवर्तनको प्रवाहलाई कसैले पनि रोक्न नसक्ने दाबी गरे । अहिलेको सङ्घीय लोकतान्त्रिक गणतन्त्रको स्थापना तथा जनताको संविधान निर्माण हुनु शहीदहरुको बलिदानी नै मुख्य कारण भएको उनको भनाइ थियो ।

मुख्यमन्त्री शाहीले तीव्र गतिमा आर्थिक, सामाजिक तथा भौतिक विकास गर्दै सामाजिक न्यायसहितको समृद्ध प्रदेश निर्माणका लागि सबै नागरिकमा दिवसले प्रेरणा पैदा गरोस भन्ने शुभकामना व्यक्त गरे ।

दिवसमा वीरेन्द्रनगर सुर्खेतको मङ्गलगढी चोकबाट प्रभातफेरी कार्यक्रम शुरु भएको थियो । प्रदेश सरकारका मन्त्रीहरु, प्रतिपक्षी दलका नेता, संघीय संसद्, प्रदेशसभा तथा योजना आयोगका पदाधिकारी, राष्ट्रसेवक कर्मचारी, सुरक्षा निकायका प्रमुखलगायत आम नागरिक सहभागी भएको उक्त कार्यक्रम बालबालिकाहरुको टप्पा नाच, राउटेहरुको नृत्य, नेपाली सेनाका जवानहरुको थारु नृत्य, तेक्वान्दो खेल प्रदर्शनसहित सम्पन्न गरिएको थियो ।

वि.सं.२०७६ असोज ३ शुक्रवार १७:१६ मा प्रकाशित

NLIC AD
NABIL bank AD
यार्सा टिप्न पाटन पुगेकाको दुर्घटना बीमा

यार्सा टिप्न पाटन पुगेकाको दुर्घटना बीमा

मुगु । यार्सा टिप्न मुगुका विभिन्न पाटनमा जाने सङ्कलकहरुको सुरक्षाका...

मुख्यमन्त्री कँडेल भन्छन्-विज्ञान र प्रविधिको विकासबिना मुलुकको समृद्धि असम्भव

मुख्यमन्त्री कँडेल भन्छन्-विज्ञान र प्रविधिको विकासबिना मुलुकको समृद्धि असम्भव

कर्णाली । कर्णाली प्रदेशका मुख्यमन्त्री यामलाल कँडेलले विज्ञान र विकासबिना...

खडेरीले खेतमै बाली सुक्दा किसान चिन्तित

खडेरीले खेतमै बाली सुक्दा किसान चिन्तित

सिमकोट (हुम्ला) । हुम्ला अहिले खडेरीको चपेटामा परेको छ ।...

पालिकाद्वारा किसानलाई गोठालो भत्ता

पालिकाद्वारा किसानलाई गोठालो भत्ता

मान्म (कालीकोट) । जिल्लाको नरहरिनाथ गाउँपालिकाले पशुपालन गर्ने किसानलाई गोठालो...

भालुले लखेट्दा भीरबाट लडेर ७० भेडा मरे,३१ बेपत्ता

भालुले लखेट्दा भीरबाट लडेर ७० भेडा मरे,३१ बेपत्ता

जुम्ला । जुम्लाको तातोपानी गाउँपालिका–७ बारागाउँको थुमलचौरमा भालुले लखेट्दा भीरबाट...

प्रेस स्वतन्त्रता लोकतन्त्रको सबैभन्दा महत्त्वपूर्ण पक्ष हो : मुख्यमन्त्री कँडेल

प्रेस स्वतन्त्रता लोकतन्त्रको सबैभन्दा महत्त्वपूर्ण पक्ष हो : मुख्यमन्त्री कँडेल

कर्णाली । कर्णाली प्रदेश सरकारका मुख्यमन्त्री यामलाल कँडेलले लोकतन्त्रको विकास,...