हामी सबैकाे संसारन्यूज

८ असोज, काठमाडौँ । पत्रकार आचारसंहिता २०७३ मा केही परिमार्जन गरिएको छ । हालै प्रेस काउन्सिल नेपालले परिमार्जित गरेको पत्रकार आचार संहिता २०७३ (पहिलोे संशोधन २०७६) मा पहिलो पटक अनलाइन सञ्चार माध्यमको पनि ब्याख्या गरिएको छ।

नेपाल पत्रकार महासंघको सहमतिमा प्रेस काउन्सिल नेपालले जारी गरेको उक्त आचारसंहितामा अनलाइनको परिभाषामा भनिएको छ “अनलाइन सञ्चार माध्यम” भन्नाले प्रचलित कानूनबमोजिम स्थापना भई पत्रकारिता र सम्पादकीय सिद्धान्त अङ्गिकार गर्दै इन्टरनेटको माध्यमबाट संकेत, चिन्ह, अक्षर, आवाज, ग्राफिक्स, भिडियो, एनिमेशन तथा विभिन्न बहुमाध्यम (मल्टिमिडिया) को प्रयोगमार्फत समाचारमूलक वा विषयगत विचार, सूचना तथा समाचार, तस्बिर, श्रव्यदृश्यको रुपमा उत्पादन, प्रकाशन, प्रसारण वा वितरण गर्नेे विधि, प्रक्रिया र माध्यम सम्झनु पर्छ ।”

आचारसंहितामा सामाजिक संजाललाई पनि संहिताभित्र पारिएको छ । संहितामा भनिएको छ सामाजिक संजालका अन्य प्रयोगकर्ताहरूले प्रकाशन गरेको जानकारी वा विचार/कमेन्टहरूलाई शेयर वा रिट्विट गरी पुन प्रकाशन गर्दा पत्रकार तथा सञ्चारमाध्यमले आफूले प्रकाशन गरे सरह तथ्यजाँच गरी निष्पक्षतालाई समेत ख्याल गरी सम्प्रेषण गर्नुपर्दछ ।

प्रेस काउन्सिल नेपालमा भएको एक कार्यक्रममा नेपाल पत्रकार महासंघका अध्यक्ष गोविन्द आचार्य र प्रेस काउन्सिल नेपालका कार्यवाहक अध्यक्ष किशोर श्रेष्ठले संयुक्तरुपमा हस्ताक्षर गरी पत्रकार आचारसंहिता, २०७३ ९ पहिलो संशोधन–२०७६० जारी भएको घोषणा गरेका थिए ।
यस्तो छ, परिमार्जित पत्रकार आचारसंहित :