हामी सबैकाे संसारन्यूज

९ असोज, काठमाडौँ । जिल्ला प्रहरी कार्यालय पर्सामा कार्यरत प्रहरी जवान गम्हिरा साह तेली उपर मुद्दा दायर गरिएको छ ।

पर्सामा कार्यरत प्रहरी जवान साहले जिल्ला प्रहरी कार्यालय पर्साबाट कमसल आयुर्वेदिक औषधी दिएको भन्ने समेत टुङ्गिइसकेको उजुरी मिलाइदिने भनी सेवाग्राहीसँग पटक पटक घुस माग गरेको भन्ने सूचना एवं उजुरीको आधारमा अख्तियार दुरूपयोग अनुसन्धान आयोगको टोलीले सेवाग्राहीसँग रु. ५ हजार घुस सहित नियन्त्रणमा लिएको हो ।

अनुसन्धानको सिलसिलामा निजले सेवाग्राहीले आयुर्वेदिक औषधीको रकम फिर्ता गराउन दिएको उजुरीको काम गर्ने सिलसिलामा आफ्नो जिम्मेवारी र पदीय दायित्व विपरीत सेवाग्राहीसँग उक्त रकम लिएको पुष्टि हुन आई निजले भ्रष्टाचार निवारण ऐन, बमोजिम सजाय हुन मागदावी लिई आज विशेष अदालत काठमाडौंमा आरोप पत्र दायर गरेको अख्तियारले जनाएको छ ।