हामी सबैकाे संसारन्यूज

१० असोज, काठमाण्डौं । मलेसिया रोजगारी खुलेसँगै १ लाख युवाले रोजगारी पाउने सम्भावना देखिएको छ ।

सरकारले मलेसियाको रोजगारी खुलाउने तयारी गरेसँगै म्यानपावर र अन्य निकायमा विभिन्न प्रक्रियाको लागि आवेदन दिएर प्रतिक्षामा रहेकाको संख्या एकलाख भन्दा बढी पाइएको छ ।

मलेसियाको रोजगारी लामो समयसम्म रोकिएपछि त्यहाँ जाने पुराना नेपालीको संख्या क्रमश : बढ्दै गएर १ लाखभन्दा बढी भएको हो ।

अझ पहिलोपटक जाने नयाँ युवाको संख्या हेर्ने हो भने २ लाखको हाराहारीमा पुग्ने सरोकारवालाहरुले बताएको शुक्रबारको कारोबार दैनिकले लेखेको छ ।

विगत लामो समयदेखि मलेसिया खुल्ने आशमा जीएसजी नेपालमा प्रक्रियाको लागि आवेदन दिएका युवा संख्या १ लाख पुगेको छ ।