Sansar News
११ असोज, चितवन । ‘नेपालका लागि नेपाली’ अभियानका नेता ज्ञानेन्द्र शाहीलाई चितवन प्रहरीले पक्राउ गरेको छ । चितवनमा अभियानको कार्यक्रममा भड्काउ भाषण गरेपछि स्थानीयले प्रतिवाद गर्दा दोहोरो झडपको अवस्था आएपछि शाहीलाई प्रहरीले नियन्त्रणमा लिएको चितवन प्रहरीले जनाएको छ ।
शाहीले नेपाल कम्युनिष्ट पार्टीका अध्यक्ष पुष्पकमल दाहाल विरुद्ध भड्काउ भाषण गरेपछि स्थानीय प्रतिवादमा उत्रिएका थिए । स्थानीय जनताको प्रतिवाद पछि कार्यक्रम छोडेर होटल पुगेका शाहीलाई होटलमा पनि सुरक्षा नहुने भएपछि चितवन प्रहरीले नियन्त्रणमा लिएको जनाइएको छ ।
वि.सं.२०७६ असोज ११ शनिवार १५:३५ मा प्रकाशित
