Sansar News
१३ मङ्सिर,काठमाडौँ । राष्ट्रिय प्रजातन्त्र पार्टीका राष्ट्रिय अध्यक्ष पशुपतिशम्शेर जबराले मधेसको एउटा शक्तिलाई पृथक राखेर संविधान कार्यान्वयन हुन नसक्ने बताउनुभएको छ ।
यहाँ आज आयोजित साक्षात्कार कार्यक्रममा उहाँले भन्नुभयो, “संविधानलाई बढीभन्दा बढी स्वीकार्य बनाउन सहमतिलाई जुटाउने कार्यलाई बृहत् बनाउने कार्य भइरहेको छ ।” उहाँले संविधान संशोधनको प्रस्तावमा राष्ट्रिय प्रजातन्त्र पाटीको समर्थन रहेको बताउँदै हिन्दू धर्मका विषयमा जनमतसङ्ग्रह गर्नुपर्ने भए पनि संविधान संशोधनमा धर्मनिरपेक्षता हटाउन हाल प्रस्ताव नलगिने बताउनुभयो । रासस
वि.सं.२०७३ मंसिर १३ सोमवार १३:४६ मा प्रकाशित
