हामी सबैकाे संसारन्यूज

मङ्गलबार रिपोर्टर्स क्लब नेपालमा पत्रकार सम्मेलन गर्दै समितिका संयोजक नवीन रोकामगरले आफूहरुले उठाएका मागहरु सरकारले पूरा नगरे बाध्य भएर सशक्त आन्दोलनमा उत्रिने बताउँदै भन्नुभयो– ‘प्रदेश नम्बर ४ र ५ का आफ्नो ऐतिहासिक भूगोललाई एक ठाउँमा राखेर स्वायत्त मगरात प्रदेश बनाउनुपर्छ, । ’

संयोजक मगरले आफूहरुको यो साझा संशोधन प्रस्तावलाई अहिलेसम्म नेपाली राज्य निर्माणमा योगदान दिँदै आएका मगरहरुको भावनालाई सम्बोधन गर्नुपर्नेमा जोड दिनुभयो ।

राष्ट्रिय जनमुक्ति पार्टीका नेत्री कमला थापाले सो जातिको पहिचान, पहुँच र प्रतिनिधित्व सुनिश्चित गर्न नेपालको संविधान २०७३ मा संशोधन गरिनु अनिवार्य रहेको बताउनुभयो ।

सङ्घले व्यवस्थापिकामा जातीय जनसङ्ख्याको समानुपातिक प्रतिनिधित्वको आधारमा समावेशीकरण सुनिश्चित गरिनुपर्ने समेत माग गरेको छ । मगर सङ्घका अनुसार नेपालको कूल जनसङ्ख्याको ७.१२ प्रतिशत मगरहरुको जनसङ्ख्या रहेको बताइएको छ । रासस