हामी सबैकाे संसारन्यूज

१८ कात्तिक । सत्तारुढ दल नेपाल कम्युनिष्ट पार्टी.नेकपा)को सचिवालय बैठकले प्रदेश प्रमुखहरुको नाम सिफारिस गरेको विषयलाई लिएर पार्टी भित्र असन्तुष्टि बढेको छ ।

नेकपाले सिफारिस गरेको प्रदेश प्रमुखको नाममा असहमती जनाउँदै वरिष्ठ नेता माधवकुमार नेपालले लिखित असहमती जनाएको नेकपाको एक उच्च स्रोतले बताएको छ । सिफारिस गरिएको प्रदेश प्रमुखमा दुई अध्यक्षका तर्फका नाम मात्र सिफारिस भएको भन्दै माधव पक्ष असन्तुष्ट रहेको स्रोतको भनाइ छ ।

प्रदेश प्रमुखका लागि सिफारिस भएकाहरुमा धर्मनाथ यादव, सोमनाथ अधिकारी प्यासी, विष्णु प्रसाईं र गोविन्द कलौनी अध्यक्ष केपी ओली पक्षको र अमिक शेरचन, तिलक परियार र शर्मिला त्रिपाठी पुष्पकमल दाहाल प्रचण्ड पक्षको रहेका छन् ।

नेकपाको सोमबार बसेको सचिवालय बैठकले सातै प्रदेशका लागि प्रदेश प्रमुखहरुको नाम सिफारिस गरेको थियो । जसमा प्रदेश १ बाट बिष्णु प्रसाइ, प्रदेश २ बाट धर्मनाथ शाह, प्रदेश ३ बाट अमिक शेरचन, गण्डकी प्रदेशबाट सोमनाथ प्यासी, ५ बाट तिलक परीयार, कर्णाली प्रदेशबाट शर्मिला त्रिपाठी र गोविन्द कलौनी सुदुरपश्चिम रहेका छन ।

प्रदेश प्रमुखहरु नियुक्ती नहुँदा सँवैधानीक अप्ठ्यारो हुने भएकोले सोमवार नै नियुक्ती गर्ने सरकारको तयारी रहेको छ । सोमवार नै बस्ने मन्त्रीपरीषद्को वैठकले पार्टीले सिफारीस गरेका नामहरुलाई अनुमोदन गरी राष्ट्रपति समक्ष नियुक्तीका लागि पठाइने बताइएको छ ।