हामी सबैकाे संसारन्यूज

१८ कात्तिक, रौतहट । नेपाली कांग्रेसका नेता तथा सांसद आफताव आलमलाई दर्जन बढी व्यक्तिलाई इट्टा भट्टाको चिम्निमा हालेर जिउँदै जलाएर क्रुर अपराध गरेको अभियोग दर्ता भएको छ ।

पहिलो संविधानसभाको निर्वाचनमा बुथ क्याप्चर गर्ने उद्धेश्यले बम बनाउन लाग्दा भएको विस्फोटमा परी घाईते भएकाहरुलाई उपचार गर्नुको सट्टा इट्टभट्टाको चिम्निमा राखेर जिउँदै जलाएको आरोपमा असोज २६ गते पक्राउ परेका आलमलाई जिल्ला सरकारी वकिलको कार्यालयले सोमबार मानबता विरुद्धको कसुर अपराध गरेको भन्दै उक्त अभियोग दर्ता गराएको हो ।

जिल्ला सरकारी वकिलको कार्यालयले आलमसहित त्रिलोक प्रताप सिंह र ओसी अख्तर मियाँविरुद्ध दर्जन वढी व्यक्तिलाई इट्टा भट्टामा जिउँदै जलाएर क्रुर अपराध गरेको भन्दै अभियोगपत्र दर्ता गराएको हो ।