हामी सबैकाे संसारन्यूज

२२ कार्तिक, काठमाडौँ । नयाँ राजनीतिक नक्सामा नेपाली भूमि समावेश गरेको भारतले नेपालमा त्यसको चर्काे विरोध भएपछि कूटनीतिक तवरबाट समाधान खोज्ने स्पष्ट पारेको छ ।

भारतले नेपालको सीमा नमिचेको दाबी गर्दै समस्या समस्या समाधान गर्न तयार रहेको जनाएको हो । भारतीय विदेश मन्त्रालयमा बिहीबार आयोजित पत्रकार सम्मेलनमा प्रवक्ता रविशकुमारले नक्सामा सीमा परिवर्तन नगरिएको दाबी गरे । सीमामा बाँकी केही समस्या समाधान गर्न भारत तयार रहेको उनको भनाइ छ ।

‘ नेपालसँग दुइृपक्षीय सम्बन्धको मर्ममा अडेर सीमा समस्या समाधान गर्नुपर्छ,’ उनले भनेका छन् , ‘हाम्रो नक्साले भारतको सार्वभौम भूमिमात्र देखाउँछ । नक्सा मिचिएको कुनै संकेत छैन । ’

उनले दुई देशबीचका सीमा समस्या उच्चस्तरीय संयुक्त आयोगका बैठकबाट समाधान हुन बाँकी रहेको बताए । परराष्ट्रमन्त्रीस्तरीय बैठकले सीमासम्बन्धी समस्या समाधान गर्न प्राविधिकहरुको सल्लाहमा परराष्ट्र सचिवहरुलाई जिम्मेवारी दिएको पनि उनले स्मरण गरेका छन् । शुक्रबारको अन्नपूर्ण पोस्ट्बाट