हामी सबैकाे संसारन्यूज

२४ कार्तिक, काठमाण्डौं । आइतबार बिहान कोटेश्वरमा नेपालको भूभाग कालापानी र लिपुलेक भारतले आफ्नो नक्सामा पारेको विरोधमा नेविसंघले प्रदर्शन गरेको छ ।
नेपालका भूभाग कालापानी र लिपुलेकलाई भारत सरकारले हालैमात्र प्रकाशित गरेको भारतको नक्सामासमेत समेटेको विरोधमा नेपाल विद्यार्थी संघ नेविसंघ ले आज बिहान कोटेश्वरमा प्रदर्शन गरेको थियो ।
नेपालका अभिन्न अगं रहेका कालापानी र लिपुलेक न त्यो सबमा भारतको कुनै पनि अधिकार नरहेको भन्दै (नेविसंघ) ले विरोध र्याली निकालेको हो । बिरोध र्यालीमा नि महामन्त्री कुन्दन राज काफ्ले, नि बर्तमान केन्द्रिय सदस्य नबराज त्रिपाठी, विद्यार्थी नेताहरु महेन्द्र भट्टराई, सुनिल शर्मा, मनिस सिम्खडा लगायतले सम्बोधन गर्दै सिमाना अतिक्रमण तत्काल रोक्न र भारतले प्रकाशन गरेको नक्सा तत्काल सच्चाउन माग गरेका थिए ।
सिमा अतिक्रमणका गतिबिधि नरोकिए अर्को चरणको आन्दोलन गर्ने चेतावनी समेत दिइएको थियो । कोटेश्वर बहुमुखी क्याम्पस बाट सुरु भएको विशाल र्याली तिनकुने हुँदै पुन कोटेश्वरमा पुगि कोण सभामा परिणत भएको थियो ।