Sansar News
२५ कार्तिक, काठमाडौँ । भारतले गत साता सार्वजनिक गरेको नयाँ राजनीतिक नक्साका कारण उत्पन्न विवाद समाधान गर्न नेपाल भारत सचिवस्तरीय बैठक बोलाइने भएको छ ।
बंगलादेशका राष्ट्रपतिको नेपाल भ्रमणपछि बैठकको मिति तय हुने परराष्ट्र मन्त्रालय स्रोतले जनायो । बंगलादेशी राष्ट्रपति अब्दुल हसिम तीनदिने भ्रमणका लागि मंगलबार काठमाडौँ ओर्लदै छन् ।
‘यी विषयमा हामीले भारतीय पक्षसँग कुरा गर्नुपर्ने हुन्छ, ’ परराष्ट्र सचिव शंकरदाश बैरागीले कान्तिपुरसँग भने, ‘कुराकानीबारे छिट्टै टुंगो लाग्नेछ ।’ मन्त्रालय स्रोतका अनुसार बैठकका लागि भारतीय पक्षपनि सकारात्मक छ ।
भारतका लागि नेपाली राजदूत नीलाम्बर आचार्य र भारतीय विदेश सचिव विजय गोखलेबीच शुक्रबार भएको भेटमा सीमा विवादबारे छलफल भएको थियो । सोमबारको कान्तिपुर दैनिकबाट
वि.सं.२०७६ कात्तिक २५ सोमवार ०७:३६ मा प्रकाशित
