हामी सबैकाे संसारन्यूज

२६ कात्तिक, काठमाण्डौं । नापी विभागका महानिर्देशक प्रकाश जोशीले विभिन्न समाचार तथा सामाजिक संजालमा नापी विभागको नाम जोडेर आएका समाचारप्रति खण्डन तथा ध्यानाकर्षण भएको जनाएका छन् ।

महानिर्देशक जोशीले विभागका महानिर्देशकको नाम जोडेर भारतले हालै सार्वजनिक गरेको राजनैतिक नक्सा सम्बन्धमा लेखिएको÷देखिएको विषयमा आफ्नो गम्भीर ध्यानाकर्षण भएको जनाएका छन् ।

‘नेपालका राजनैतिक दलका शिर्ष नेताहरुसँग समेत मेरो नाम जोडेर आएका विषय कपोलकल्पित, निराधार र असत्य हुन्, मानमर्दन गर्ने र भ्रम श्रृजना गर्ने गरी सामाजिक संजालमा पोष्ट गरिएको विषयमा मेरो ध्यानाकर्षण भएको छ ।’ महानिर्देशक जोशीद्धारा मंगलबार जारी गरिएको विज्ञप्तिमा भनिएको छ ।

यस्ता कपोलकल्पित, भ्रामक र अतरंजित कुरामा विश्वास नगर्न अपिल गर्दै जोशीले भनेका छन्, ‘भारतबाट प्रकाशित नक्सा सम्बन्धमा नेपाल सरकारको आधिकारीक धारणा परराष्ट्र मन्त्रालयको प्रेस विज्ञप्तिमा आइसकेको हुँदा तोकिएको जिम्मेवारी बहन गर्न प्रतिबद्ध रहेको व्यहोरा समेत अनुरोध गर्दछु ।’