हामी सबैकाे संसारन्यूज

२७ कात्तिक, काठमाण्डौं । यदि तपाई अरबियन खानाको पारखी हुनुहुन्छ र त्यसको स्वाद नेपालका विभिन्न रेष्टुरेण्टमा खोज्दै हिड्नु भएको छ भने त्यसको व्यवस्था अब केही दिनका लागि मेरिएट होटलले गर्ने भएको छ ।

काठमाण्डौंको नक्सालमा हालै मात्र संचालनमा आएको फाइभ स्टार होटल मेरिएटले एक हप्ताका लागि ‘अरेवियन सुक’ आयोजना गर्न लागेको हो । यसमा अरेवियन खानाका पारखी नेपाली तथा विदेशी ग्राहकहरुले खानाको अनुभव लिन सक्ने होटलले जनाएको छ ।

नोभेम्बर १६ सम्मआयोजना गरिएको उक्त ‘अरेबियन सुक’ होटलको ठमेल किचनमा बेलुका ६ ः ३० देखि राति १०ः ३० बजेसम्म खुला रहने पनि होटलले जनाएको छ । जसमा हुक्काको स्वादसँगै अरेबियन देशमा बढी चल्ने बेली डान्सद्धारा मनोरन्जन प्रदान गरिने तथा अतिथिले लाइभ किचनको अनुभव गर्न समेत पाउने होटलले जनाएको छ ।

उक्त इभेन्ट अतिथि सेफ मिना अयुव र होटलकै कार्उकारी सेफ सञ्जीव रन्जनको सिर्जना रहेको पनि होटलले जनाएको छ ।