Sansar News
२७ कार्तिक, जम्मु । जम्मुकाश्मिरको डोडा जिल्लास्थित बाटोटे–किस्टवाड राष्ट्रिय राजमार्गमा मङ्गलबार एउटा निजी सवारीसाधन दुर्घटना हुँदा त्यसमा सवार १६ जनाको मृत्यु भएको छ ।
प्रहरीका अनुसार उक्त घटनामा तीन जना बालबालिकासमेत मारिएका छन् । डोडाका एक जना वरिष्ठ प्रहरी अधिकृतले मङ्गलबार अपराह्न भएको यस दुर्घटनामा १६ जनाको ज्यान गएको र त्यसमध्ये चार जना महिला र तीन जना बालबालिका रहेको जानकारी दिए ।
दुर्घटनाग्रस्त सवारीसाधन राजमार्गबाट खोँचमा झरेको र उद्धार कार्य जारी रहेको प्रहरीले जनाएको छ ।
वि.सं.२०७६ कात्तिक २७ बुधवार १०:४१ मा प्रकाशित
