हामी सबैकाे संसारन्यूज

३० कात्तिक, काठमाण्डौं । अन्तरिक्षमा स्याटेलाइट राख्ने स्थानलाई लिएर नेपाल र लाओसबीच विवाद सुरु भएको छ । नेपालले स्याटेलाइट राख्न लागेको स्थानले आफूलाई असर गर्ने भन्दै लाओसले अन्तराष्ट्रिय टेलिकम युनियन (आईटीयू) मा पत्र पठाइपछि विवाद सतहमा आएको हो । पहिलोपटक नेपालले आफ्नै सञ्चार स्याटेलाइट अन्त्रिक्षमा पठाउने तयारी गरिरहेको छ ।

नेपालले स्याटेलाइट राख्न आईटीयूबाट १२३.३ पूर्वी देशान्तरको स्टल पाएको छ । ‘आईटीयूले उपलब्ध गराएको यो स्थान नेपालको जन्मसिद्ध अधिकार हो,’ सञ्चार तथा सूचना प्रविधिमन्त्री गोकुल बाँस्कोटलाले भने, ‘लाओसले आईटीयूबाट व्यवसायिकरुपमा किनेको स्टल हो ।’

आईटीयुबाट आएको स्थानमा नेपालले स्याटेलाइट राख्ने योजना बनाएर निवेदन दिएपछि लाओसले आपत्ति जनाएको नेपाल दूरसंञ्चार पाधिकरणका अध्यक्ष पुरुषोत्तम खनालले बताएका छन् । नेपालले आईटीयुबाट आएको स्टलमा स्याटेलाइट राख्दा आफूले राख्न लागेको स्याटेलाइटलाई असर पर्ने लाओसको दावी रहेको शनिबारको कान्तिपुर दैनिकमा समाचार छ । फाइल :फोटो