हामी सबैकाे संसारन्यूज

१ मसिंर , हेटौंडा । दिवा खाजाको व्यवस्था गरिएपछि मकवानपुरको मकवानपुरगढी गाउँपालिकामा शतप्रतिशत बालबालिका स्कुल जान थालेका छन् । भर्ना भएर नियमित स्कुल आउन थालेपछि प्राथमिक तहका विद्यालयका ‘ड्रपआउट’ शून्यमा झरेको छ ।

‘बीचमा नै कक्षा छाड्ने प्रवृत्ति पनि शतप्रतिशत घटेको छ,’ आमभञ्याङस्थित सरस्वती प्राविका प्रधानाध्यापक चतुर्भुज पौडेलले भने, पहिलो भर्ना हुने तर बीचमै छोडिदिने गर्थे, अहिले त्यस्तो छैन । ’ उक्त प्राविमा गत शैक्षिक सत्रमा ४८ जना विद्यार्थी भर्ना भएका थिए । नियमित स्कुल आउनेको सङ्ख्या ३२ थियो ।

यो शैक्षिक सत्रदेखि दिवाखाजा व्यवस्था गरिएपछि नयाँ र पुराना गरी ७७ जना विद्यार्थी भर्ना भएको प्रधानाध्यापक पौडेलले बताए । यहाँ अधिकांश बालबालिका तामाङ समुदायका छन् । आइतबारको कान्तिपुर दैनिकबाट