हामी सबैकाे संसारन्यूज

३ मसिंर, काठमाडौँ । त्रिभुवन विश्वविद्यालयका पदाधिकारीले मेडिकल कलेजहरुमा अनुगमन गर्न जाँदा सोही कलेजबाट दैनिक भत्तादेखि ट्याक्सी खर्चसमेत असुल्ने गरेका छन् ।

भौतिक पूर्वाधारलगायतको अनुगमन गर्न त्रिविका पदाधिकारी हरेक वर्ष मेडिकल कलेज पुग्छन् । अनुगमनमा जानेहरुको भत्तालगायत खर्चका लागि विश्वविद्यालयले नै रकम छुट्याएर दिने भएपनि अधिकारीहरुले सम्बन्धित मेडिकल कलेजबाट खाना, होस्टलसहित ट्याक्सीखर्चका बहानामा रकम असुल्ने गरेका छन् ।

यसका लागि अनुगमनमा खटिएका अधिकारीले चिकित्साशास्त्र अध्ययन संस्थान डिनको कार्यालयबाटै पत्र लैजाने गरेका छन् । उनीहरुले एउटा मेडिकल कलेजबाट एकपटकमा तीनलाख रुपैयाँसम्म उठाउने गरेका छन् । मंगलबारको राजधानी दैनिकबाट