हामी सबैकाे संसारन्यूज

९ मसिंर , काठमाडौँ । आफ्ना अधिकांश सेवालाई विद्युतीय प्रणालीतर्फ लैजाँदै गरेको वैदेशिक रोजगार विभागले सर्वसाधारणको सहजाताका लागि इ -टोकन प्रणाली सुरु गर्ने तयारी गरेको छ ।

श्रम स्वीकृति, पुनः श्रम स्वीकृतिलगायत कामका लागि विभागका कार्यालयमा धाउनुपर्दा सर्वसाधारणले लामो समयसम्म पर्खनुपर्ने समस्यालाई अन्त्य गर्न इ- टोकन प्रणाली सुरु गर्न लागिएको विभागका महानिर्देशक भीष्मकुमार भुसाल बताउँछन् ।
इ -टोकन भनेको विद्युतीय पालो हो । इ -टोकन सुरु भएपछि सेवाग्राही कार्यालयमा पुगेर पालो पर्खनुपर्ने छैन । भुसालका अनुसार मसिंर १५ देखि विभागका सबै कार्यालयमा इ टोकन प्रणली सुरु हुनेछ ।

इ -टोकन सुरुभएपछि सेवाग्राहीले आफूले लिन चाहेको सेवाबारे सम्पूर्ण विवरण अनलाइनमार्फत कार्यालयमा जानकारी दिने र त्यसपछि कार्यालयले पालो परेको दिनमा बोलाउँछ ।