हामी सबैकाे संसारन्यूज

१८ मसिंर, काठमाडौँ । जनता बैंकले लुम्बिनी नेत्र विज्ञान अध्ययन संस्थानलाई रु. ४ लाख ५० हजार र वैद्यनाथ वेदविद्याश्रमलाई रु. २ लाख ५० हजार आर्थिक सहयोग गरेको छ ।

बैकले संस्थागत सामाजिक उत्तरदायित्व अन्तरगत लुम्बिनी नेत्र विज्ञान अध्ययन संस्थान, भैरहवालाई आँखाउपचार सम्बन्धी क्रोनियलटोपोग्राफी मेसिनखरिदका लागि रु. ४ लाख ५० हजार आर्थिक सहयोग उपलब्ध गराएको हो ।

मंगलबार आयोजित कार्यक्रममा बैंकका प्रमुख कार्यकारी अधिकृत परशुराम कुँबर क्षेत्रीले लुम्बिनी नेत्र विज्ञानअध्ययन संस्थानका अध्यक्ष सागर प्रताप राणालाई हस्तान्तरण गरेका हुन् ।

यसैगरी बैंकले सुदुरपश्चिमप्रदेशको अछाममा रहेको वैद्यनाथक्षेत्र विकास संस्थालाई अक्षयकोषका लागि रु. २ लाख ५१ हजार सहयोग उपलब्ध गराएको छ ।

प्रमुखकार्यकारी अधिकृत परशुरामकुँवर क्षेत्रीले वैद्यनाथक्षेत्र विकास संस्थाका संस्थापक संरक्षक सुरतबहादुर थापा र संरक्षक तथा पूर्व प्रहरी महानिरिक्षक मोतिलाल बोहरालाई चेक हस्तानतरण गरिएको विज्ञप्तीमा जनाइएको छ ।

उक्त सहयोग रकम विद्याश्रममा अध्ययनरत वटुकहरुको सहयोगको लागि खोलिएको अक्षयकोषमा जम्मा गरिने बताइएको छ ।

जनता बैंक र ग्लोबल आइएमई बैंक एक आपसमा गाभिई मंसिर २० गते देखि एकिकृत कारोवार गर्ने तयारीमा गर्देछन् । दुवै बैंक गाभिएपछि ग्लोबलले रु. २४ अर्ब भन्दा बढी प्राथमिक पुँजी, २ खर्ब ४ अर्ब बचत, रु. १ खर्ब ९४ अर्ब कर्जा लगानी तथा ८५० भन्दाबढी सेवा केन्द्र भएको देशकै ठूलो बाणिज्य बैंकको रुपमा स्थापित हुने बैंकले बताएको छ ।