हामी सबैकाे संसारन्यूज

काठमाडौं  । प्रभु बैंक लिमिटेड ले आफ्नो सामाजिक उत्तरदायित्व कार्यक्रमअन्तर्गत Hospital and Rehabilitation Center for Disabled Children (HRDC) लाई आर्थिक सहयोग प्रदान गरेको छ।

बैंकले बागमती प्रदेशअन्तर्गत बनेपा–११, काभ्रेपलाञ्चोकस्थित HRDC लाई ६ लाख ५० हजार रुपैयाँ बराबरको चेक हस्तान्तरण गरेको हो। उक्त सहयोग शारीरिक रूपमा अशक्त तथा विशेष आवश्यकता भएका बालबालिकाको उपचार, पुनर्स्थापना, फिजियोथेरापी सेवा र आवश्यक सहायक सामग्री व्यवस्थापनमा उपयोग गरिने जनाइएको छ।

एक कार्यक्रमका बीच प्रभु बैंकका प्रतिनिधिले HRDC का प्रमुख प्रशासकीय अधिकृतलाई चेक हस्तान्तरण गरेका थिए। बैंकका अनुसार यस्तो सहयोगले स्वास्थ्य सेवाबाट वञ्चित बालबालिकालाई थप सहज पहुँच दिलाउने विश्वास लिइएको छ।

प्रभु बैंक लिमिटेड ले देशभर फैलिएको शाखा सञ्जालमार्फत बैंकिङ सेवा दिँदै आएको छ र सामाजिक उत्तरदायित्वअन्तर्गत शिक्षा, स्वास्थ्य तथा सामुदायिक विकासका क्षेत्रमा यस्ता सहयोग कार्यक्रम निरन्तर सञ्चालन गर्दै आएको जनाएको छ।