Sansar News
२० मङ्सिर, काठमाडौँ । । निरन्तर रुपमा घटबढ हुँदै आएको सुनको मूल्य २ दिनदेखि यता घट्दै आएको छ ।
बिहीबार छापावाला सुनको ७२ हजार रुपैँयामा कारोबार भएकोमा आज शुक्रबार ३ सय रुपैँयाले घटेर तोलाको ७१ हजार ७ सय मूल्यमा कारोबार भइरहेको छ ।
त्यसैगरि बिहीबारको बजारमा तेजावी सुन ७१ हजार ७ सय मूल्यमा कारोबार भएकोमा आज शुक्रबार ३ सय रुपैँयाले घटेर तोलाको ७१ हजार ४ सय मूल्यमा कारोबार भइरहेको छ ।
आज शुक्रबार सुनको मूल्य घटेपनि चाँदीको मूल्य भने स्थिर रहेको छ । बिहीबार प्रतितोला ८ सय ५० मूल्यमा कारोबार भएकोमा आज पनि सोहि मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ ।
वि.सं.२०७६ मंसिर २० शुक्रवार ११:२८ मा प्रकाशित
