हामी सबैकाे संसारन्यूज

२० मंसिर, धनुषा । आफूलाई ‘क्राइम ब्रान्च’ को मान्छे हुँ भन्दै पैसा उठाउँदै गरेको अवस्थामा एकजना पक्राउ परेका छन् ।

लालबन्दी सर्लाहीबाट आएको ‘क्राइम ब्रान्च’ को मान्छे हुँ भन्दै बाटोमा हिँडडुल गर्ने मान्छेसँग पैसा उठाउँदै गरेको अवस्थामा जनकपुर उपमहानगरपालिका-४ आनन्दनगरका ३० वर्षीय प्रतिक कुमार चौधरीलाई बिहीबार राति प्रहरीले पक्राउ गरेको हो ।

जनकपुर उपमहानगरपालिका–२४ स्थित सोना सति मन्दिर अगाडि सोना पाडा जाने बाटोमा चौधरीले बाटोमा हिँडडुल गर्ने मान्छेसँग पैसा उठाउँदै गरेको अवस्थामा प्रहरी चौकी जिरोमाईलबाट खटिएको प्रहरीले ज.२ प ७३२४ नम्बरको मोटरसाइकल सहित उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताइएको छ ।