Sansar News
२२ मङ्सिर, काठमाडौँ । राष्ट्रिय विज्ञान तथा प्रविधि प्रतिष्ठानद्वारा ‘नबिल विज्ञान तथा प्रविधि पुरस्कार’ शिक्षा विज्ञान तथा प्रविधि मन्त्री गिरीराज मणि पोखरेले नास्टमा आयोजित पुरस्कार वितरण समारोहमा ४ जना अनुसन्धानकर्ताहरुलाई प्रदान गरेका हुन् ।
विज्ञान तथा प्रविधिको क्षेत्रमा उत्कृष्ट योगदान दिए बापत ‘नबिल विज्ञान तथा प्रविधि पुरस्कार’ ४ अनुसन्धानकर्ता प्रा। डा। परशुराम मिश्र, प्रा। डा। विद्या श्रेष्ठ, डा। श्याम प्रसाद डुम्रे तथा डा। प्रतिभा पाण्डेलाई पुरस्कृत गरिएको हो ।
कार्यक्रम पश्चात पुरस्कृत विज्ञहरुसगंको भेटमा बैंकका अध्यक्ष श्री शम्भु प्रसाद पौड््यालले विज्ञान तथा प्रविधि क्षेत्रमा अध्ययन र अनुसन्धान गरि यस क्षेत्रको विकासमा योगदान पु¥याएकोमा धन्यवाद ज्ञापन गर्दै नबिल बैंकको नाममा स्थापित ‘नबिल विज्ञान तथा प्रविधि पुरस्कार’ ग्रहण गरेकोमा आभार प्रकट गरे । उक्त पुरस्कारको राशि प्रति व्यक्ति वा संस्था रु १ लाख २५ हजार रहेको छ ।
नास्टको उक्त समारोहमा जम्मा २६ अनुसन्धानकर्ताहरुलाई विभिन्न पुरस्कारहरु प्रदान गरिएको थियो । राष्ट्रिय विज्ञान तथा प्रविधि प्रतिष्ठानको संरक्षकत्वमा गठित प्रतिष्ठित बैज्ञानिक तथा प्राज्ञहरुको समुहद्वारा कृतिहरुको छनौट गरिने हुनाले नाष्टद्वारा स्थापित पुरस्कारहरु यस क्षेत्रकै प्रतिष्ठीत पुरस्कार मानिन्छ ।
वि.सं.२०७६ मंसिर २२ आइतवार ११:११ मा प्रकाशित
