हामी सबैकाे संसारन्यूज

२२ मसिंर, काठमाडौँ । युनाईटेड फाईनान्स लिमिटेडले शुक्रबार एकै साथ ७ वटा शाखा कार्यालयहरु संचालनमा ल्याएको छ ।

फाईनान्सले एकैदिन भैरहवा, हेटौडा, नीजगढ, बर्दिवास, जनकपुर, ईटहरी र धरानमा गरी ७ वटा शाखा कार्यालयहरु संचालनमा ल्याएको हो ।

शुक्रबार आयोजित कार्यक्रममा भैरहवा शाखाको उद्घाटन नेपाल राष्ट्र बैंकका कार्यकारी निर्देशक लक्ष्मी प्रपन्न न्यौपानेले गरे । त्यस्तै अन्य शाखाहरुको उद्घाटन नगरपालिकाका मेयर, उद्योग वाणिज्य संघका पदाधिकारी तथा संस्थाका सञ्चालकहरुले गरे । यी शाखा विस्तारसँगै फाईनान्सको शाखा सङ्ख्या २२ पुगेको फाईनान्सले बताएको छ ।

फाइनान्सले २०७६ असोज मसान्त सम्म करीव ६ अर्ब ७० करोड निक्षेप तथा ६ अर्ब १४ करोड कर्जा परिचालन गरेको छ । गत आर्थिक बर्षको मुनाफाबाट ३ प्रतिशत वोनस शेयर तथा ७.५६ प्रतिशत नगद लाभं वितरण गर्ने प्रस्ताव समेत गरेको विज्ञप्तीमा जनाइएको छ ।