हामी सबैकाे संसारन्यूज

२३ मसिंर, काठमाडौँ । सन्राइज बैंकले चितवनको पिठुवामा ४० औं शाखारहित बैंकिङ्ग सेवा संचालनमा ल्याएको छ ।

बैंकले विभिन्न ठाउँमा आफ्नो सेवा विस्तार गर्ने क्रममा चितवनको पिठुवामा ४० औं शाखारहित बैंकिङ्ग सेवा संचालनमा ल्याएको हो ।

आइतबार आयोजित कार्यक्रममा रत्ननगर नगरपालिकाका अध्यक्ष हरि कुमार श्रेष्ठ र बैंकको प्रादेशिक कार्यालय ३ का सदस्य अचुत जङ्ग श्रेष्ठले शाखारहित बैंकिङ सेवाको उद्दघाटन गरे । कार्यक्रममा अचुत जङ्ग श्रेष्ठले शाखारहित बैंकिङ्ग सेवाको एजेन्ट\प्रतिनिधि नारायण कुमारलाई पोइन्ट अफ सेल मेसिन हस्तान्तरण गरेको विज्ञप्तीमा जनाइएको छ ।

पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत एटिएम कार्ड मार्फत कारोबार गर्न सकिने बैंकले जनाएको छ ।

हालसम्म बैंकले १२६ वटा शाखा,४० वटा शाखारहित बैंकिङ्ग सेवा, ८ वटा एक्सटेन्सन काउण्टर र १४५ वटा ए.टि.एम मार्फत आफ्ना करिब ६ लाख ग्राहकहरुलाई सेवा प्रदान गर्दै आइरहेको बैंकले बताएको छ ।