हामी सबैकाे संसारन्यूज

२५ मसिंर, काठमाडौँ । प्रहरीले अनुसन्धानका क्रममा आफ्नो डायरीमा टिपोट गरेका कुरालाई प्रमाणको रुपमा लिन नमिल्ने व्यवस्थासहितको संसदीय समितिले प्रमाण ऐन २०३१ को संशोधन विधेयक पारित गरेको छ ।

प्रतिनिधिसभाको कानुन न्याय तथा मानवअधिकार समितिको सोमबारको बैठकले प्रहरी डायरीमा उल्लेख भएका कुरा प्रमाणका लिँदा त्यसले घटनालाई अनावश्यक थपघट गर्न सक्ने भन्दै त्यसलाई प्रमाणको रुपमा नराख्ने सहमति गरेको हो ।

प्रमाण ऐन २०३१ को दफा ४४(क)मा भनिएको छ, ‘कुनै प्रहरी कर्मचारीलाई अपराध घटेको कुराको आफूलाई कुनै तबरले प्राप्त भएको जानकारीको स्रोत प्रकट गर्न कर लाग्ने छैन । ’ तर, प्रहरीको डायरीका सम्बन्धमा प्रचलित कानुनबमोजिम हुनेछ भन्ने प्रतिबन्धात्मक वाक्य थप भएको थियो । बुधबारको नागरिक दैनिकबाट