हामी सबैकाे संसारन्यूज

२९ मंसिर, काठमाण्डौं । नेपाली कांग्रेसका बौद्धिक नेता तथा पूर्वसांसद चन्द्र भण्डारीले अमूल्य जीवन र महत्वपूर्ण समय उपलब्धियुक्त बनाउन नसकिएको बताएका छन् ।

उनले सामाजिक संजाल फेसबुकमा आइतबार बिहानै स्टाटस अपडेट गर्दै भनेका छन्–‘देश, जनता, समाज र राष्ट्रिय अन्तराष्ट्यि मुद्दामा बहस र छलफल गरी सहमत असहमतका तर्क प्रस्तुत गर्ने मन । कस्तोमा परियो, कहाँ फसियो, अमुल्य जीवन, महत्वपूर्ण समय उपलव्धिविहिन भयो । न पार्टी, समय अनुकुल बनाउन सकियो न देश !!’

पछिल्लो समय नेपाली कांग्रेस पार्टीमा देखिएको गुटबन्दीकै कारण पार्टीलाई सहि दिशा दिन नसकिरहेको कांग्रेसमा भण्डारी जस्तै नेताहरुमा निरासा छाएको देखिन्छ । कांगै्रसको रुपान्तरण चाहेका नेताहरुले यस्तो दीग्दारी ब्यक्त गर्न थालेपछि कांग्रेसभित्रको इमान्दार तप्का बढि चिन्तित हुन थालेको छ  ।