हामी सबैकाे संसारन्यूज

१ पुष, काठमाडौँ । भूमिसुधार तथा मालपोत कार्यालय, भक्तपुरका नायव सुब्वा नारायणराज मिश्र र कार्यालय सहयोगी भाईकाजी गौतम घुस सहित पक्राउ परेका छन् ।

भक्तपुरमा कार्यरत सुब्वा मिश्रले सेवाग्राहीको मोही लगत कट्टा गर्ने प्रयोजनका लागि सोही कार्यालयमा कार्यरत कार्यालय सहयोगी गौतमलाई ४० हजार दिनु भनी घुस माग गरेको भन्ने सूचनाको आधारमा अख्तियार दुरुपयोग अनुसन्धान आयोगको टोलीले सेवाग्राहीबाट ४० हजार घुस लिइसकेको अवस्थामा दुवै जनालाई पक्राउ गरेको हो ।

अनुसन्धानको सिलसिलामा सुब्वा मिश्रले कार्यालय सहयोगी गौतमलाई सेवाग्राहीबाट घुस लिन लगाएको र गौतमले पनि घुस हो भन्ने थाहा हुँदाहुँदै पनि हाकिमको निर्देशन पालना गरी घुस लिएको पुष्टि हुन आएको हुँदा दुवैलाई भ्रष्टाचार निवारण ऐन बमोजिम सजाय हुन मागदाबी लिई आज विशेष अदालत, काठमाडौंमा आरोपपत्र दायर गरिएको अख्तियारले जनाएको छ ।