हामी सबैकाे संसारन्यूज

२ पुस, काठमाडौँ । मूख्य विपक्षीदल नेपाली काङ्ग्रेसको बुधबारका लागि बोलाइएको बैठक स्थगीत भएको छ । वरिष्ठ नेता रामचन्द्र पौडेल र पूर्व महामन्त्री कृष्ण प्रसाद सीटौला समुहले बहिस्कार गरेपछि बैठक स्थगीत भएको हो ।

पार्टीका प्रवक्ता विश्व प्रकाश शर्माका अनुसार बैठक शुक्रबार सम्मका लागि स्थगीत गरिएको हो । मङ्गलबार दिनभरी र राती अबेरसम्म सहमतिको प्रयास भएपनि समाधान ननिस्कीए पछि आजको बैठक स्थगीत गरिएको बताइएको छ ।

सभापती शेर बहादुर देउवाले ०७७ फागुनमा चौधौँ महाधिवेशन गर्ने भने पनि देउवा तोकिएको समयमा महाधिवेशन गर्ने सुरमा नरहेको बुझेका पौडेलले बैठक बहिस्कारको रणनिति अख्तियार गरेको बुझिएको छ । पौडेल र सीटौलाले महाधिवेशनको कार्यतालिका र विभाग गठनको उचित प्रष्टिकरण नआएसम्म बैठक बहिस्कार गर्ने जनाएका छन् ।