हामी सबैकाे संसारन्यूज

४ पुस, काठमाडौँ । ६४ करोड ९६ लाख कर छली गरेको भन्दै राजश्व अनुसन्धान विभागले पेप्सी उत्पादकक वरुण वेभरेज सञ्चालकविरुद्ध मुद्दा दायर गरेको छ ।

विभागका अनुसार वरुणले योजनाबद्ध किसिमले राजश्व छली राज्यकोषमा आउनुपर्ने करौडौँ रुपैयाँ ठगी गरेको हो ।
नेपालमा वरुण वेभरेजले पेप्सीलगायतका उत्पादनको बोटलिङ गर्दै आएको छ ।

विभागका महानिर्देशक दीर्घराज मैनालीका अनुसार वरुण वेभरेजका अमित गुप्तासमेत सात जना विरुद्ध रु ६४ करोड ९६ लाख दुई हजार ३४० बिगो र बिगोको दोब्बर रु एक अर्ब २९ करोड ९२ लाख चार हजार ६८० समेत गरी रु एक अर्ब ९४ करोड ८८ लाख सात हजार २० सम्म जरिवाना र तीन वर्ष कैद सजायको माग गर्दै काठमाडौँ जिल्ला अदालतमा मुद्दा दायर गरिएको हो । शुक्रबारको राजधानी दैनिकबाट