हामी सबैकाे संसारन्यूज

४ पुस, काठमाडौँ । सरकारले स्वास्थ्य बिमा कार्यक्रम विस्तार गरे पनि प्रभावकारी हुन सकेको छैन । सरकारी तथ्यांकअनुसार ८ लाख ९० हजार ७३ नागरिकले अझै स्वास्थ्य बिमा नवीकरण गराएका छैनन् ।

बिमितले अस्पतालबाट प्रभावकारी सेवा नपाउनु, औषधि अभाव हुनु, उपचारमा चिकित्सक नहुनेलगायतका कारण नवीकरण गर्न नआएको पाइएको छ । स्वास्थ्य बिमा बोर्डको तथ्यांकअनुसार हालसम्म २४ लाख ३२ हजार ५ सय ५७ जना बिमा कार्यक्रममा आबद्ध भएका छन् ।

तीमध्ये १२ लाख ७४ हजार ५ सय २८ महिला , ११ लाख ५७ हजार ७ सय २९ पुरुष र अन्य ३ सय जना बिमित रहेको बोर्डका सूचना अधिकारी कृष्णप्रसाद आचार्यले जानकारी दिए । शुक्रबारको राजधानी दैनिकबाट