Logo
४ कार्तिक २०७८, बिहीबार
     Thu Oct 21 2021
E-paper
  English Edition
   Unicode
Logo

संविधान संशोधन राष्ट्रिय हितमा नरहेको राप्रपाको निष्कर्ष



२१ मंसिर, काठमाडौँ । राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठकले संविधान संशोधन विधेयकका केही दफा राष्ट्रिय हितअनुकूल नरहेकाले त्यसलाई स्थगित गर्न माग गरेको छ ।

धुमबाराहीस्थित कार्यालयमा सोमबार सम्पन्न भएको उक्त बैठकले सरकारले दर्ता गराएको विधेयकप्रति मधेस केन्द्रित दल असन्तुष्ट रहेको, प्रदेश नं ५ का जनता आन्दोलनमा उत्रेको, केही राजनीतिक दलले संसद् अवरुद्ध गरिरहेकाले सरकारले सम्बद्ध पक्षसँग नयाँ समझदारी कायम गर्नुपर्ने माग गरेको पार्टीका नेता राजाराम श्रेष्ठले जानकारी दिनुभयो ।

सरकारले सो विधेयक तयार गर्दा निर्णय प्रक्रियामा पार्टीलाई सहभागी नगरिएकामा खेद प्रकट गर्दै संसद्मा प्रतिनिधित्व गर्ने सबै दल तथा सरोकार पक्षका बीचमा सहमतिको वातावरण कायम गरेरमात्र संविधान संशोधनको विधेयकलाई अघि बढाउन सरकारलाई सुझाएको छ ।

स्वदेशी तथा विदेशी शक्तिबाट राष्ट्रिय स्वाधीनता र अखण्डतामाथि नै प्रश्न चिह्न खडा गर्ने प्रयास भइरहेको अवस्थामा राज्य संयन्त्रको प्रभावकारितामा कमी आइरहेको बैठकले ठहर गर्दै त्यसप्रति सचेत रहन सबैलाई आग्रह गरेको छ । संसद् अवरुद्ध गरिरहेका विभिन्न दललाई जनताका अधिकारलाई छलफल गर्ने थलोलाई अवरुद्ध नगर्न आग्रह गर्दै विधि र प्रक्रियाबाट समस्या खोज्न सुझाएको छ ।

संविधानको कार्यान्वयनका निमित्त २०७४ माघ ७ भित्र स्थानीय, प्रदेश र संसद्को चुनाव हुनु अनिवार्य रहेको ठहर गर्दै बैठकले अविलम्ब स्थानीय तहको चुनावको मिति घोषणा गर्नसमेत माग गरेको छ ।


यो खबर पढेर तपाईलाई कस्तो महसुस भयो ?

काठमाडौं । लागुऔषध मुद्दामा पक्राउ परेका आर्यन खानको जमानत निवेदन अस्वीकार भएपछि छोरालाई भेट्न

४ कार्तिक, काठमाडौँ । सामलिङ्ग पावर कम्पनी लिमिटेडले आज (कात्तिक ४ गते) देखि सर्वसाधारणका

वालिङ्, स्यांग्जा । पर्वतका जयनारायण तिवारी र स्याङ्जाका शोभाखर ढकाल नेकपा (माओवादी केन्द्र) को

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि