Sansar News
१० पुस, काठमाडौँ । पशुसेवा विभाग हरिहरभवन ललितपुरका लेखा अधिकृत रमेश कार्की ८ हजार घुस सहित पक्राउ परेका छन् ।
ललितपुरका लेखा अधिकृत कार्कीले सेवाग्राहीसँग कार्यालयसँग सम्बन्धित सूचना बिज्ञापन पत्रिकामा प्रकाशित गरिदिए पश्चात भुक्तानी दिएको रकमबाट घुस माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको टोलीले निजलाई सेवाग्राहीबाट उक्त रकम लिएका अवस्थामा पक्राउ गरेको हो ।
पक्राउ परेका निज कार्कीमाथि थप अनुसन्धान भइरहेको अख्तियारले जनाएको छ ।
वि.सं.२०७६ पुस १० बिहीवार १३:०० मा प्रकाशित
