हामी सबैकाे संसारन्यूज

२१ मंसिर, काठमाडौँ । मेलम्ची खानेपानी आयोजनाको मुहान क्षेत्रको ओपन कट भईरहेको स्थानमा भेटिएको पहेँलो देखिने खनिज पदार्थ सुन नभएको पुष्टि भएको छ । मेलम्ची खानेपानी विकास समितिले प्रेस विज्ञप्ती जारी गर्दै उक्त कुराको जानकारी गराएको हो । समितिका अनुसार पहेँलो देखिने खनिज पदार्थको नमुना परिक्षणका लागि खानी तथा भूगर्भ विभाग लैनचौरमा पठाइएकोमा परिक्षण रिपोर्टमा उक्त नमुना सुन नभएको पुष्टि भएको हो ।
परिक्षणमा उक्त स्थानमा अत्यन्त न्गन्य मात्रामा १३ दशमलब ४ मिलीग्राम तामा प्रति केजीमा पाइएको जनाइएको छ । सो विभागका प्राविधिकका अनुसार उक्त खनिजलाई परिस्कृत गरी शुद्ध धातुका रुपमा प्रयोग गर्न आर्थिक हिसाबले सम्भव देखिँदैन ।
समितिले उक्त स्थानबाट उपयोगी धानु उत्खनन् गर्न सम्भव नदेखिएको भन्दै मेलम्ची खानेपानी आयोजनाको कामलाई सुचारु गर्न अनुरोध गरेको छ ।