हामी सबैकाे संसारन्यूज

१४ पुष काठमाडौं । संस्कृति, पर्यटन तथा नागरिक उड्डयन मन्त्री योगेश कुमार भट्टराइृले सन २०२० देखि २०३० सम्मको दशकलाई नेपाल भ्रमण दशकको रुपमा मनाउने औपचारिक घोषणा गरेका छन । नेपाल भ्रमण वर्ष २०२० को सन्दर्भमा काठमाडौंमा आयोजित पत्रकार सम्मेलनमा भट्टाराइले उक्त घोषणा गरेका हुन ।

नेपाल भ्रमण बर्ष २०२० को तयारी अन्तिम चरणमा पुगेको जानकारी दिदैं भट्टराईले यो भ्रमण वर्ष भ्रमण दशकको तयारी वर्ष रहेको जानकारी समेत दिए ।

नेपाल भ्रमण वर्ष २०२० को भव्य उद्घाटन गरिने भएको छ । यहि पुष १६ गते तदअनुसार २०२० जनवारी १ तारिकका दिन काठमाडौंको दशरथ रंगशालाबाट राष्ट्रपतिबाट भ्रमण वर्षको भव्य उद्घाटन गरिने छ । त्यसका लागि दशरथ रंगशालामा बिशेष तयारी गरिएको छ । सातैवटा प्रदेशका केन्द्रबाट सो दिन कार्यक्रम गरिने छ । भ्रमण वर्षमा बिभिन्न देशका पर्यटन मन्त्रीह्रुको पनि सहभागिता हुने बाइएको छ ।

“नेपाल भ्रमण वर्ष २०२० नेपालीहरुको आर्थिक संमृद्धिको आधार वर्ष हुनेछ ।“ मन्त्री भट्टराईले भने “सरकारको समृद्ध नेपाल सुखि नेपालीको नारालाई मुर्त तुल्याउन यो भ्रमण बर्ष महत्वपूर्ण हुनेछ, उक्त दिन सम्पूर्ण नेपालीहरुलाई दिपावली गर्नको लागि आव्हन गर्दछुु ।”

भ्रमण वर्ष सचिवालयका संयोजक सुरज बैद्यले भ्रमण बर्षको सम्पुर्ण तयारी सकिएको जानकारी दिंदै उद्घाटन बर्षको कार्यक्रहरुको बारेमा जानकारी दिएका छन । उक्त कार्यक्रमको नेपाल टेलिभिजनबाट प्रत्यक्ष प्रसारण गरिने तथा सो कार्यक्रमको पत््रयक्ष लिंक अन्य संचार माध्यमबाट पनि प्रसारण गर्ने व्यबस्था मिलाइृएको जानकारी दिए । भ्रमण वर्षको तयारीमा १०० भन्दा बढी संघसंस्थाको सहभागिता रहनेछ ।