हामी सबैकाे संसारन्यूज

१६ पुष काठमाडौं । आजको सेयर कारोवार (नेप्से) मा झिनो अंकको सुधार देखिएको छ । अघिल्लो दिनको तुलनामा नेप्से परिसुचक ०.३ प्रतिशत अर्थत ३.४७ अंकले उकालो लाग्दै समग्रमा ११६९.५० बिन्दुमा कायम हुँदा होटल क्षेत्र भने चम्किएको छ ।

नेपाल स्टक एक्सचेन्जका अनुसार नेपाल भ्रमणवर्ष २०२० को सुरुवात भएकै दिन होटल समुहको कारोबार चम्केको हो । आजको कारोबारमा मुल्यका आधारमा ओरियन्ट होटल लिमिटेडले सबैभन्दा धेरै २.९५ करोड बराबरको कारोबार गरेको छ । सेयर कारोबार बन्द हुँदा उसको कारोबार मुल्य ४९९प्रति कित्ता रहेको थियो ।

त्यस्तै सेयर संख्याको आधारमा सोल्टी होटल समुहले सबै भन्दा बढी ९७,६६५ कित्ता सेयर कारोबार गरेको छ । बजार बन्द हुँदा सोल्टि समुहको प्रति कित्ता सेयर मुल्य २०४ रुपैयाँ रहेको थियो ।
आजको कारोबारमा सुचिकृत १७६ कम्पनीका ३७.२९ करोड बराबरको १,१७५,३१३ कित्ता सेयर कारोबार भएको छ ।

आजको कारोबारमा फाईनान्स कम्पनी, निर्जिवन विमा, जिबन विमा र अन्य समुह बाहेक सबै समुहमा अघिल्लो दिनको तुलनामा सुधार देखिएको छ ।

आजको कारोबारमा सबैभन्दा बढी होटल समुहले कमाएका छन । जसमा तारागाउँ रेजेन्सि होटलले २७ अंक अर्थत ९.९६ प्रतिशतले कमाएको छ भने उसलाई पछ्याउँदै अरियन्ट होटल लिमिटेडले ४५ अंक अर्थत ९.९१ प्रतिशतले कमाई गर्दा सोल्टी होटलले १८ अंक अंक अर्थत ९.६१ प्रतिशतले कमाई गरेको छ । तिनीहरुको सेयर मुल्य क्रमश २९८, ४९९ र २०४ रहेको थियो ।

आज सबै भन्दाबढी गुमाउनेमा गुडविल फाईनान्स रहेको छ । उसले आजको करोबारबाट ५.७९ प्रतिशत अर्थत ८ अंकले गुमाएको छ । कारोबार बन्द हुँदा उसको १३० रुपैयाँ प्रति कित्ता सेयर मुल्य रहेको थियो ।