Sansar News
२० पुस, काठमाडौँ । काठमाडौंको शंखमूलस्थित अवेरनेस बचत तथा ऋण सहकारी संस्था लिमिटेडको नवौं वार्षिक साधारणसभाले शिक्षासेवी खगेश्वर गिरीलाई संस्थामा रिक्त हुन गएको सचिव पदमा र ग्यास व्यवसायी रामप्रसाद ज्ञवालीलाई कार्यसमिति सदस्यमा निर्वाचित गरेको छ ।
संस्थामा लामो समयदेखि ‘सचिव’को रुपमा कार्यरत विष्णुप्रसाद अर्यालले राजीनामा दिएकोले सो रिक्त पदमा कार्यसमिति सदस्य गिरीलाई चयन गरेको हो । रिक्त सदस्य पदमा ज्ञवाली लाई नियुक्त गरिएको संस्थाका सदस्य विमल घिमिरेले जानकारी दिएका छन् ।
संस्थाका अध्यक्ष ऋषिराम कँडेलको सभापतित्व र नेपाल सरकारका सहसचिव मानबहादुर अर्यालको प्रमुख आतिथ्यमा सम्पन्न उक्त नवौँ साधारणसभामा करिब ९० जनाको उपस्थिति रहेको घिमिरेले जनाए ।
सभाले आ.व. २०७५/७६ को आयव्यय विवरण, लेखापरीक्षण प्रतिवेदन तथा आ.व. २०७६/७७ का लागि प्रस्तुत वार्षिक कार्यक्रम तथा अनुमानित आयव्ययको विवरणसमेत पारित गरेको छ ।
वि.सं.२०७६ पुस २० आइतवार १३:२८ मा प्रकाशित
