Sansar News
२० पुस, काठमाडौँ । नेपाली फिल्म जगतकी चर्चित अभिनेत्री ऋचा शर्मालाई मातृशोक परेको छ ।
लामो समयदेखि विरामी अवस्थामा रहेकी उनकी आमा रिनादेवी शर्माको शुक्रबार साँझ ६७ वर्षको उमेरमा निधन भएको हो । उनको शनिबार पशुपति आर्यघाटमा अन्तिम दाह संस्कार गरिएको छ ।
गत महिना मंसीरमा ऋचा आफ्नो प्रेमी दिपेक्ष विक्रम राणासँग विवाह बन्धनमा बाँधिएकी थिइन । त्यसबेला पनि शर्माकी आमा विरामी भएको कारण उनको रिसेप्सन पार्टीमा उपस्थित हुन नसकेको र ऋचाको विवाहको दिनदेखि नै लगातार अपस्ताल धाइरहनु परेको शर्माले बताएकी थिइन् ।
वि.सं.२०७६ पुस २० आइतवार १४:२७ मा प्रकाशित
