Sansar News
२३ पुष, काठमाण्डौं । अमेरिकी आक्रमणमा इरानका शैनिक कमाण्डर मारिएपछि मध्युपूर्वका देशमा तनाव बढेको छ ।
यसैबीच भारतीय विदेश मन्त्रालयले अर्को सूचना जारी नगर्दा सम्म आफ्ना नागरिकलाई इराकको भ्रमण नगर्न निर्देशन जारी गरेको छ भने इराकमा रहेका आफ्ना नागरिकलाई सर्तक रहन आग्रह समेत गरेको छ ।
भारतीय विदेश मन्त्रालयका प्रवक्ता रवीश कुमारले मध्यपुर्वको समस्यालाई मध्यनजर गर्दै ट्राभल एड्वाइजरी जारी गर्दै आफ्ना नागरिकलाई सर्तक गराएका हुन् ।
रवीश कु्मारका अनुसार इराकको वगदादमा र इरबिलमा शहरमा रहेका भारतीय दूतावास अन्यदिनमा जस्तै का मगर्ने र इराकमा रहेका भारतीय नागरिकको सम्पर्कमा रहने पनि बिबिसिले जनाएको छ ।
समाचार ऐजेन्सी एएनआइका अनुसार भारतीय सरकारले भारतमा सेवा दिने विमानहरुलाई इराक, इरान र खाडी देशका रुट प्रयोग गर्नका लागि केही समयका लागि सर्तक रहन अनुरोध गरेको छ ।
इरानले आज इराकमा रहेका अमेरिकी शैनिक क्याम्पमा दजर्नबडी मिसाइल आक्रमण गरेको छ । यसमा कति क्षति भयो भन्ने बाहिर आउन सकेको छैन । यस घटनाको पुष्टि स्वयम् अमेरिकी राष्ट्रपति ट्रम्पले गरेका छन् । उनले आक्रमणका बारेमा ट्विटमा जानकारी दिँदै अमेरिकी समय अनुसार बुधबार बिहान यसका बारेमा बताउने जनाएका छन् ।
अमेरिकी शैन्य अखडामा इरानले गर्यो दर्जन बढी मिसाइल आक्रमण, के भन्छन् त राष्ट्रपति ट्रम्प ?
वि.सं.२०७६ पुस २३ बुधवार ११:२७ मा प्रकाशित
