हामी सबैकाे संसारन्यूज

२५ पुष, डिसी । अमेरिकाको मेरिल्याण्डमा रहेको एमजीएम नेसनल हार्बर होटल तथा क्यासिनो(जुवाघर)मा गितान्जय ढकाल नामक नेपाली युवाको मृत्यु भएको छ ।

श्रोतका अनुसार गत जनवरी १० का दिन उक्त घटना भएको हो ।

झण्डै २८-३० बर्ष उमेरका स्व गितान्जय ढकाल मेरिल्याण्ड निवासी हुन् । यस बिषयमा मेरिल्याण्ड राज्यको प्रिन्स जर्ज काउन्टीका प्रहरीले अनुसन्धान गरिरहेको छ । यसको लागि प्रिन्स जर्ज काउन्टीका प्रहरीका अनुसार जासुस शेफर्डले उनको यो मुद्धा हेरीरहेको जानकारी प्राप्त भएको छ ।

उनको मृत शरीरलाई बाल्टिमोरमा राखिएको समेत जानकारी प्रिन्स जर्ज काउन्टीका प्रहरीले दिएका छन् । प्रहरीले उनका आफन्तलाई खोज तलास गर्ने काम गरिरहेको बुझिएको छ । आफ्ना परिवार बाहेक अन्य कसैलाई पनि यस बारेमा जानकारी दिने नमिल्ने समेत प्रहरीले बताएका छन् ।

सामाजिक संजाल फेसबुकमा (अनुहार किताब) उनको खाता गीतन उप्रेती रहेको छ । यस बारेमा बिस्तृत जानकारी लिन जासुस (डिटेकटिभ) शेफर्डसंग सम्पर्क गर्न सकिने छ ।

मृतक ढकालको केस न (मुद्धा संख्या)२०-०००१८४३ (20-0001843) हो । र प्रहरीको ब्याच न २९४० (2940 ) रहेको छ । मृतकका आफन्त ,साथीभाई ,इष्टमित्र ,छरछिमेकि तथा जो सुकैले पनि उनका परिवार सम्म पुर्याउन पिजीपिडीरसिआईडी – ३०१–७७२–४९२५(301- 772 -4925)  अथवा मा सम्पर्क गर्न सकिने छ ।

उनको कसरी निधन भएको हो भन्ने बारेमा प्रहरीले जानकारी दिएका छैनन भने नजदिकका नातेदार र परिवारलाई मात्र भन्न सकिने भएकोले यस बिषयमा थप जानकारी लिएर आउने छौ ।