हामी सबैकाे संसारन्यूज

२७ पुस, काठमाडौँ । श्री जन जौ कुमारी शाही प्राथमिक बिद्यालय मनपाङ, तनहुँमा अस्थायी शिक्षकको रुपमा कार्यरत तृतीय श्रेणीकी शिक्षिका अनिता पोखरेल वाग्ले माथि मुद्दा दायर गरिएको छ ।

अस्थायी शिक्षकको रुपमा रहेकी शिक्षिका वाग्लेको शैक्षिक योग्यताको प्रमाणपत्र छानबिन हुन भन्ने उजुरीका आधारमा अनुसन्धान हुँदा निजले माध्यामिक शिक्षा परिषद् क्षेत्रीय कार्यालय वाराणसी भारतबाट एसएलसी सरहको हार्इ स्कुल परीक्षा उत्तीर्ण गरेको झुठ्ठा शैक्षिक योग्यताको प्रमाणपत्र पेश गरी विद्यालयमा कार्यरत रही सार्वजनिक पदको लाभ तथा सुविधा प्राप्त गरेको आधारमा अख्तियारले नियन्त्रणमा लिएको हो ।

अनुसन्धानको क्रममा शिक्षिका वाग्लेले उक्त कार्य गरेको पुष्टि हुन आएकोले निजलाई भ्रष्टाचार निवारण ऐन बमोजिमको सजाय हुन मागदाबी लिई आज विशेष अदालत, काठमाडौँमा आरोपपत्र दायर गरिएको अख्तियारले जनाएको छ ।