Sansar News
२८ पुष, काठमाण्डौं । पैँयु गाउँपालिका वडा नं ४ ले हटियामा रहेको जनसेवा संस्कृत माध्यमीक विद्यालयलाई १८ थान सिसि क्यामेरा वितरण गरेको छ ।
पैयु गाउँपालिकाकी उपाध्यक्ष जस्मती गुरुङको प्रमुख आतिथ्यता रहेको उक्त सिसि क्यामेरा वितरण कार्यक्रममा प्रमुख अतिथि गुरुङले स्कुललाई प्रविधिमैत्री बनाउनका लागि सिसि क्यामेरा सहयोग गरिएको बताएकी थिइन् ।
त्यसैगरी वडाअध्यक्ष महेन्द्र श्रेष्ठले स्कुललाई प्रविधिमैत्री बनाउन तथा शिक्षक, अभिभावक र विद्यार्थीलाई सहज बनाउनका लागि उक्त सिसि क्यामेरा वितरण गरिएको बताएका छन् ।
सोहि कार्यक्रममा प्रधानाध्यापक टिकाराम काफ्लेले विद्यालयलाई प्रविधिमैत्री बनाउन सहयोग गरेकोमा धन्यवाद व्यक्त गर्दै आगामी दिनमा स्कुललाई आवस्यक सहयोग गरिदिन पनि अनुरोध गरेका थिए ।
उक्त कार्यक्रममा विद्यालय व्यवस्थापनका अध्यक्ष गिरीराज गौतम, आइटी इन्जिनियर रविन्द्र गौतमलगायतको उपस्थिति रहेको थियो ।
वि.सं.२०७६ पुस २८ सोमवार १६:२६ मा प्रकाशित
