हामी सबैकाे संसारन्यूज

२ माघ, जर्मनी । गैरआवासीय नेपाली संघ एनआरएनए जर्मनी एलसीसी बर्लिनका निर्वतमान संयोजकको मृत्यु भएको छ ।

एक महिना अघि नेपाल आएका निर्वतमान संयोजक महेन्द्र धितालको मृत्यु भएको हो । जर्मनीमा झण्डै १७ वर्षदेखि बस्दै आएका दाङ निवासी धितालको नेपाल आएका बेला बुधबार मृत्यु भएको हो ।

ससुराली गएका बेला उनको मृत्यु भएको बताइएको छ । ट्वाइलेट गएका उनी आधा घण्टासम्म बाहिर ननिस्कीएपछि ढोका फोडेर हेर्दा लडिरहेको अवस्थामा भेटिएका थिए । तत्कालै अस्पताल लगिएका उनको बाटोमै मृत्यु भएको थियो ।

‘माल्टामा व्यवसाय गर्ने सबै तयारी गरेर नेपाल जानुभएको थियो के कारणले मृत्यु भयो थाहा छैन, हामी एनआरएनए जर्मनी परिवार पीडामा छौं,’ एनआरएनए जर्मनीका अध्यक्ष हरि न्यौपानेले संसारन्युजसँग भने,‘समाज सुधारक, साह्र्रै मेहनति मृदृभाषी साथीलाई गुमाउनु पर्दा अत्यन्तै मर्माहत भएका छौं ।’