हामी सबैकाे संसारन्यूज

७ माघ, काठमाण्डौं । नेपाल प्रहरीमा भर्ना भएका कर्मचारीमा जागिरप्रतिको निराशा बढ्दै गएको पाइएको छ ।

विगत साढे दुई वर्षको अवधिमा नेपाल प्रहरीतर्फ विशिष्ठ तह (डिआइजी) देखि तल्लो तह (प्रहरी कार्यालय सहयोगी) सम्मका ५ हजार ८४६ जनाले राजिनामा दिएका छन् ।

प्रहरी प्रधान कार्यालयको तथ्यांक अनुसार दैनिक रुपमा सातजनाले राजीनामका दिने गरेको पाइएको छ । प्रयाप्त सेवासुविधा नहुनु, राम्रो जागिरको अवसर पाउनु, संगठनमा राजनीति हावी हुनु, लामो समयसम्म बढुवा रोकिनु लगायतका कारण प्रहरीमा जागिरप्रतिको निराशा बढेको पाइएको छ । कतिपयले विदेश जानकै लागि राजीनामा दिने गरेका छन् ।

तथ्यांक अनुसार आर्थिक वर्ष २०७४\७५ मा २ हजार ५६४ जना प्रहरीले राजिनामा दिएका छन् ।

राजिनामा दिनेमा ३ प्रहरी नायक महानिरीक्षक (डीआइजी), २ प्रहरी नायब उपरीक्षक (डिएसपी), ८ प्रहरी निरीक्षक (इन्सपेक्टर), १०४ सई, ३०७ असई, १ हजार ८०२ जवान र ३१ जना कार्यालय सहयोगी रहेका छन् ।

आर्थिक वर्ष २०७५\०७६ मा ३ प्रहरी उपरीक्षक (एसपी) ६ डीएसपी, १५ इन्सपेक्टर, ९९ सई, ३५७ असई, २ हजार ८२ हवल्दार, ४२९ जवान, र ८२ जना कार्यालय सहयोगीले राजीनामा दिएका छन् । यसैगरी चालू आवको ९ पुष सम्म १ हजार २ सय ९ जाले राजीनामा बुझाएका छन् । जसमा २ डीएसपी, ६ इन्सपेक्टर, ८१ सई, १८९ असई, ७४२ हवल्दार, १६० जवान र २९ जना प्रहरी रहेका छन् । मंगलबारको राजधानी दैनिकबाट