हामी सबैकाे संसारन्यूज

७ माघ, काठमाण्डौं । धादिङको निलकण्ठ नगरपालिकामा ग १ ख ८०१२ नम्बरको आइचर दुर्घटना हुँदा ६ जनाको मृत्यु भएको छ ।

धादिङको निलकण्ठ नगरपालिका मैदी भन्ज्याङमा दिउसो ४ बजेतिर भएको उक्त, सवारी दुर्घटनामा निलकण्ठ नगरपालिका २ को भुलभुलका गुरुङ समुदायका व्यक्तिहरु परेको बताइएको छ ।

ज्वालामुखि गाउँपालिका वडा नं मा रहेको ढोला मन्जरी मन्दिरमा दर्शन गरेर फर्किएको उक्त गाडीमा सवार रहेका मध्ये ६ जनाको मृत्यु भएको र अन्य ३० घाईते भएको पनि जिल्ल प्रहरी कार्यालय धादिङले जानकारी दिएको छ ।

प्रहरीका अनुसार केही गम्भीर घाईतेहरुको उपचारका लागि हेलिकप्टरमा काठमाण्डौं ल्याउँदै गरिएको र केही घाईतेको जिल्ला अस्पताल धादिङमा उपचार भइरहेको हेड्स नेपाल धादिङका जिल्ला उपाध्यक्ष नारायणलाल श्रेष्ठले संसारन्युजलाई जानकारी दिएका छन् ।

आइचरमा सवार सबै पुरुष रहेको बताइएको छ भने मृत्यु हुनेमा२०-२२ र २५ वर्ष उमेरका युवारहेको पनि श्रेष्ठले जानकारी दिएका छन् ।